Mancini do pranonte ta drejtonte Juventusin

Ish-trajneri i Interit, Roberto Mancini, ka deklaruar se nuk ka asgjë të keqe nëse merr postin e trajnerit të Juventusit në të ardhmen.

Derisa ishte trajner i Interit, Mancini kishte pasur disa ‘zënka’ me Bianconerët, mirëpo trajneri italian thotë se nuk ka qenë ashtu dhe dëshiron të lë gjithçka në të kaluarën.

“Ta drejtoj Juventusin? Nëse ekziston mundësia, shumë lehtë mund të bisedojmë për këtë. Ndoshta duket që kam pasur probleme me Juventusin, mirëpo nuk ka ndodhur kështu”, ka thënë Mancini për sportmediaset.it.