LION KA GJETUR ZËVENDËSIM PËR BENZEMA!

Ekipi francez i Lion, shumë shpejtë e ka gjetur zëvendësimin për sulmuesin e talentuar Karim Benzema, zëvendësim ky që vjen pikërisht nga Real Madrid, skuadër kjo e cila pritet ta transferojë sulmuesin francez.

Sipas “Marca”, ekipi i Lion është shumë afër transferimit të sulmuesit holandez, Rud Van Nistelroy, i cili vjen nga radhët e ekipit madrilen të Real Madrid.

Sulmuesi i dëshmuar holandez, sezonin e kaluar e ka kaluar pothuajse të tërin në pushim, pas një lëndimi të rëndë që ka pësuar në fushën e lojës, ndërsa mediat tashmë disa muaj e kanë “transferuar” atë nga ekipi i tij aktual.

Thuhet se ekipi i Lion, gjithashtu po tenton të marrë edhe holandezin tjetër, Klas Jan Huntelaar, mirëpo siç bëhet e ditur, kjo marrëveshje ende nuk është bërë.